ஐ.நா.வின் உலகளாவிய நிலையான வளர்ச்சி இலக்குகளின் தரவரிசை : முதல் 100 இடங்களுக்குள் நுழைந்த இந்தியா!

ஐ.நா.வின் உலகளாவிய நிலையான வளர்ச்சி இலக்குகளின் தரவரிசையில் இந்தியா முதல்முறையாக, முதல் 100 இடங்களுக்குள் நுழைந்துள்ளது.

2025ஆம் ஆண்டுக்கான உலகளாவிய நிலையான வளர்ச்சி இலக்குகளின் தரவரிசையை ஐநா வெளியிட்டுள்ளது.

அதன்படி, 193 நாடுகள் கொண்ட பட்டியலில், முதல்முறையாக இந்தியா 67 புள்ளிகளுடன் 99வது இடத்தைப் பிடித்துள்ளது. 87 புள்ளிகளுடன் ஃபின்லாந்து முதலிடத்திலும், 85.7 புள்ளிகளுடன் ஸ்வீடன் 2வது இடத்திலும், 85.3 புள்ளிகளுடன் டென்மார்க் 3-வது இடத்திலும் உள்ளன.

8.7 புள்ளிகளுடன் ஜப்பான் 19வது இடத்திலும், சீனா 74.4 புள்ளிகளுடன் 49வது இடத்திலும், அமெரிக்கா 75.2 புள்ளிகளுடன் 44வது இடத்திலும் உள்ளன.

நேபாளம் 68.6 புள்ளிகளுடன் 85வது இடத்திலும், வங்கதேசம் 63.9 புள்ளிகளுடன் 114வது இடத்திலும், பாகிஸ்தான் 57 புள்ளிகளுடன் 140வது இடத்திலும் உள்ளன.

இந்தியாவின் கடல்சார் அண்டை நாடுகளான மாலத்தீவு 53வது இடத்திலும், இலங்கை 93வது இடத்திலும் உள்ளன.