கனடா, மெக்சிகோ பொருட்கள் மீதான 25% வரிவிதிப்பு அமல் : அமெரிக்கா

கனடா, மெக்சிகோ ஆகிய நாடுகளில் இருந்து இறக்குமதியாகும் பொருட்களுக்கு அமெரிக்கா விதித்த வரிவிதிப்பு நள்ளிரவு முதல் அமலுக்கு வந்தது.

மெக்சிகோ மற்றும் கனடாவில் இருந்து இறக்குமதியாகும் பொருட்களுக்கு 25 சதவீதமும், சீனா பொருள்களுக்கு 10 சதவீதமும் விதிக்கப்பட்ட வரி பிப்ரவரி 1-ம் தேதி முதல் அமலுக்கு வரும் என்று ட்ரம்ப் தெரிவித்திருந்தார்.

புலம்பெயர்வு மற்றும் போதைப் பொருள் கடத்தலுக்கு எதிராக கடுமையான நடவடிக்கை எடுக்கும் வரை இந்த நடவடிக்கை தொடரும் என்றும் அவர் தெரிவித்திருந்தார்.

பின்னர் கனடாவும், மெக்சிகோவும் ட்ரம்ப் கோரிய நடவடிக்கைகளுக்கு உத்தரவாதம் அளித்ததால், வரி விதிப்புக்கு ஒரு மாத காலம் தற்காலிக தடை விதிக்கப்பட்டது.

இந்நிலையில் அந்த காலக்கெடு முடிவடைந்த நிலையில் கனடா, மெக்சிகோ பொருட்கள் மீதான 25 சதவீத இறக்குமதி வரி அமலுக்கு வந்தது.