குஜராத் : நீர் சுத்திகரிப்பு ரசாயன தொழிற்சாலையில் தீ விபத்து!

குஜராத்திலுள்ள நீர் சுத்திகரிப்பு ரசாயன தொழிற்சாலையில் ஏற்பட்ட தீ விபத்தால் பல லட்சம் ரூபாய் மதிப்பிலான பொருட்கள் தீக்கிரையாகின.

பாருச் பகுதியில் அமைந்துள்ள இந்த தொழிற்சாலையில் திடீர் தீ விபத்து ஏற்பட்ட நிலையில், தகவல் அறிந்து வந்த தீயணைப்புத் துறையினர் 5-க்கும் மேற்பட்ட தீயணைப்பு வாகனங்கள் மூலம் தண்ணீரை விசிறியடித்து தீயை அணைக்கும் பணியில் ஈடுபட்டனர்.

இந்த தீ விபத்தில் பல லட்சம் ரூபாய் மதிப்பிலான ரசாயனப் பொருட்கள், இயந்திரங்கள் தீக்கிரையானதாகத் தகவல் வெளியாகியுள்ளது.