ஜாரெட் லெட்டோ மீது 9 பெண்கள் பாலியல் புகார்!

ஹாலிவுட் நடிகர் ஜாரெட் லெட்டோ மீது 9 பெண்கள் பாலியல் புகார் தெரிவித்துள்ளனர்.

பிரபல ஹாலிவுட் நடிகர் ஜாரெட் லெட்டோ, கடந்த 1995-ம் ஆண்டு ஹவ் டு மேக் அன் அமெரிக்கன் குயில்ட் என்ற திரைப்படம் மூலம் சினிமாவில் அறிமுகம் ஆனார்.

டல்லர்ஸ் பையர்ஸ் கிளப் படத்தில் திருநங்கை பெண்ணாக நடித்ததற்காக இவர் சிறந்த துணை நடிகருக்கான ஆஸ்கர் விருது மற்றும் கோல்டன் குளோப் விருதுகளையும் பெற்றுள்ளார்.

இந்த நிலையில் ஜாரெட் லெட்டோ பாலியல் தொல்லை கொடுத்ததாகவும், தங்கள் முன்பு நிர்வாணமாக நின்றதாகவும், பாலியல் ரீதியாகத் தொடர்ந்து பேசி வந்ததாகவும் 9 பெண்கள் குற்றம் சாட்டியுள்ளனர். இதனை ஜாரெட் லெட்டோ தரப்பினர் மறுத்துள்ளனர்.