அமெரிக்கா செல்லும் பிரதமர் மோடி : வெள்ளை மாளிகை!

அமெரிக்கா, இந்தியா இடையே நம்பகமான கூட்டாண்மையின் உறுதிப்பாட்டை பிரதமர் மோடியும், அதிபர் டொனால்டு ட்ரம்ப்பும் வலியுறுத்தியதாக வெள்ளை மாளிகை தெரிவித்துள்ளது.

Advertisement

அமெரிக்க அதிபர் டொனால்டு ட்ரம்ப் உடன், பிரதமர் மோடி தொலைபேசியில் உரையாடியது தொடர்பாக வெள்ளை மாளிகை அறிக்கை வெளியிட்டுள்ளது.

அதில், இரு தலைவர்களும் ஒத்துழைப்பை விரிவுபடுத்துதல் மற்றும் ஆழப்படுத்துதல் குறித்து விவாதித்ததாக தெரிவிக்கப்பட்டுள்ளது. நடப்பாண்டு இறுதியில் இந்தியா முதல் முறையாக குவாட் உச்சி மாநாட்டை நடத்தவுள்ள நிலையில், இந்தோ-பசிபிக் குவாட் கூட்டாண்மையை மேம்படுத்துவதற்கான உறுதிப்பாட்டை இரு தலைவர்களும் வலியுறுத்தியதாக கூறப்பட்டுள்ளது.

இந்தியா மற்றும் அமெரிக்காவில் தயாரிக்கப்பட்ட பாதுகாப்பு உபகரணங்களை வாங்குவதன் முக்கியத்துவத்தும் குறித்து ஆலோசனை நடத்தியதாகவும் தெரிவிக்கப்பட்டுள்ளது.

மேலும், பிரதமர் மோடி வெள்ளை மாளிகைக்கு வருகை தருவதற்கான திட்டங்கள் குறித்தும் இரு தலைவர்களும் விவாதித்ததாக வெள்ளை மாளிகை தெரிவித்துள்ளது.