அமெரிக்க அதிபர் ஜோ பைடன் தீபாவளி வாழ்த்து!

தீபாவளியையொட்டி, அமெரிக்க அதிபர் ஜோ பைடன் வாழ்த்து தெரிவித்துள்ளார்.

Advertisement

தீபாவளி பண்டிகை அமெரிக்காவில் ஆண்டுதோறும் கோலாகலமாக கொண்டாடப்படுவது வழக்கம். தீபாவளி பண்டிகையையொட்டி, அங்கு வசிக்கும் இந்தியர்களுக்கு அதிபர் ஜோ பைடன் வாழ்த்து தெரிவித்தார்.

இதுதொடர்பாக அவர் எக்ஸ் பக்கத்தில் வெளியிட்ட பதிவில், தீபாவளி பண்டிகையை வெள்ளை மாளிகையில் தாம் பெருமையுடன் கொண்டாடுவதாகவும், அமெரிக்காவின் வளர்ச்சிக்கு தெற்காசிய மக்கள் முக்கிய பங்களிப்பை வழங்குவதாகவும் குறிப்பிட்டுள்ளார்.

மேலும், அமெரிக்க துணை அதிபர் கமலா ஹாரிஸ், அறுவை சிகிச்சை நிபுணர் விவேக் மூர்த்தி உள்ளிட்ட இந்திய வம்சாவளியினர் தனது நிர்வாகத்தில் முக்கிய பங்கு வகிப்பதை ஜோ பைடன் அந்தப் பதிவில் மேற்கோள்காட்டினார்.