ஆஸ்திரேலியாவுக்கு எதிரான டெஸ்ட் - 100வது போட்டியில் களம் இறங்கிய விராட் கோலி!

ஆஸ்திரேலியாவுக்கு எதிரான 100-வது சர்வதேச போட்டியில் விளையாடிய 2-வது இந்திய வீரர் என்ற சாதனையை விராட் கோலி படைத்துள்ளார்.

ஆஸ்திரேலியா - இந்தியா அணிகளுக்கு இடையேயான 3-வது டெஸ்ட் போட்டி பிரிஸ்பேன் மைதானத்தில் இன்று தொடங்கியது. 13.2 ஓவரில் மழை குறுக்கிட்டதால் ஆட்டம் பாதிக்கப்பட்டது.

இந்நிலையில் இந்தப் போட்டியில் களமிறங்கியதன் மூலம் ஆஸ்திரேலியாவுக்கு எதிராக டெஸ்ட், ஒருநாள், டி20 ஆகிய 3 வகையான கிரிக்கெட்டையும் சேர்த்து 100-வது சர்வதேச போட்டிகளில் கோலி விளையாடியுள்ளார். சச்சின் டெண்டுல்கர் ஆஸ்திரேலியாவுக்கு எதிராக 110 போட்டிகளில் விளையாடி பட்டியலில் முதலிடத்தில் உள்ளார்.