"இந்திய அரசியலில் அந்நிய சக்திகள்" - கோவையில் நடைபெற்ற தமிழ் ஜனம் தொலைக்காட்சியின் சொல்லரங்கம் நிகழ்ச்சி!

கோவையில் தமிழ் ஜனம் தொலைக்காட்சியின் சொல்லரங்கம் நிகழ்ச்சி வெகு பிரமாண்டமாக நடைபெற்றது.

Advertisement

இந்திய அரசியலில் அந்நிய சக்திகளின் செயல்பாடு, போர் சூழல், ராணுவத்தின் வலிமை உள்ளிட்டவை குறித்து விவாத நிகழ்ச்சி நடத்த தமிழ் ஜனம் தொலைக்காட்சி திட்டமிட்டது.

அதன் அடிப்படையில் "இந்திய அரசியலில் அந்நிய சக்திகள்" என்ற தலைப்பில் சொல்லரங்கம் நிகழ்ச்சி நடத்த முடிவு செய்யப்பட்டது. பல்வேறு முன்னேற்பாட்டு பணிகளை தொடர்ந்து கோவை செல்வபுரத்தில் உள்ள தனியார் மண்டபத்தில் சொல்லரங்கம் நடைபெற்றது.

இதில், மூத்த பத்திரிகையாளர் கோலாகல ஸ்ரீனிவாஸ், விண்வெளி மற்றும் ராணுவத் துறை பத்திரிக்கையாளர் பிபின் திரா, முன்னாள் ராணுவ அதிகாரி மேஜர் மதன்குமார், அரசியல் திறனாய்வாளர் பானு கோம்ஸ், ஜவஹர்லால் நேரு பல்கலைக்கழகத்தின் பேராசிரியர் ஜெகநாதன் உள்ளிட்டோர் பங்கேற்பாளர்களாக கலந்து கொண்டனர்.

சொல்லரங்கம் நிகழ்ச்சியில், பாஜக மாநில துணைத்தலைவர் கனகசபாபதி, பாஜக மாநில பொருளாளர் எஸ்ஆர் சேகர், இந்து மக்கள் கட்சி தலைவர் அர்ஜூன் சம்பத், தமிழ் ஜனம் தொலைக்காட்சியின் மேலாண் இயக்குனர் மது, நிர்வாக ஆசிரியர் தில்லை, செய்தி ஆசிரியர் சரவணன் உள்ளிட்டோர் கலந்து கொண்டனர்.