உதகை நகராட்சி ஆணையரிடம் 11, 70, 000 பறிமுதல் - காரில் எடுத்து சென்ற போது மடக்கிய லஞ்ச ஒழிப்புத்துறை!

உதகை நகராட்சி ஆணையர் ஜஹாங்கிர் பாஷாவிடம் இருந்து 11 லட்சத்து 70 ஆயிரம் ரூபாய் ரொக்கத்தை லஞ்ச ஒழிப்புத்துறையினர் பறிமுதல் செய்தனர்.

Advertisement

உதகை நகராட்சி ஆணையர் ஜஹாங்கிர் பாஷா காரில் தனது சொந்த ஊருக்கு பயணித்துள்ளார். தொட்டபேட்டா சந்திப்பு அருகே அவர் பயணித்தபோது வழிமறித்த லஞ்ச ஒழிப்புத்துறை போலீசார், காரில் தீவிர சோதனை மேற்கொண்டனர்.

அப்போது, காரில் இருந்து 11 லட்சத்து 70 ஆயிரம் ரூபாய் ரொக்கத்தை லஞ்ச ஒழிப்புத்துறை போலீசார் பறிமுதல் செய்தனர். அந்த பணம் எவ்வாறு வந்தது என்பது குறித்து நகராட்சி ஆணையரிடம் லஞ்ச ஒழிப்புத்துறையினர் விசாரணை மேற்கொண்டு வருகின்றனர்.