உலகின் தலைசிறந்த பல்கலைக்கழகங்கள் பட்டியல் வெளியீடு!

உலகளவில் தலைசிறந்த பல்கலைக்கழகங்கள் பட்டியலில் மும்பை ஐஐடி மற்றும் டெல்லி ஐஐடி முதல் 150 இடங்களில் இடம்பிடித்து அசத்தியுள்ளது.

Advertisement

க்யூ.எஸ் என்ற லண்டனைச் சேர்ந்த ஆய்வு நிறுவனம், உலகில் சிறப்பாக செயல்படும் பல்கலைக்கழகங்கள் குறித்து ஆய்வு நடத்தி அதற்கான பட்டியலை ஒவ்வொரு ஆண்டும் வெளியிட்டு வருகிறது.

அந்த வகையில் 2024-2025ஆம் ஆண்டுக்கான உலகன் தலைசிறந்த பல்கலைக்கழகங்களின் தரவரிசை பட்டியலை வெளியிட்டுள்ளது. இதில் இந்தியாவை சேர்ந்த 46 உயர்கல்வி நிறுவனங்கள் இடம்பிடித்துள்ளன.

ஆயிரத்து 500க்கும் மேற்பட்ட பல்கலைக்கழகங்களில் நடத்தப்பட்ட ஆய்வில் மும்பை ஐஐடி 118வது இடத்தையும், டெல்லி ஐஐடி 150வது இடத்தையும் பிடித்து அசத்தியுள்ளது. அதேபோல கடந்த முறை வெளியான பட்டியலில் 285வது இடத்தை பிடித்திருந்த சென்னை ஐஐடி, இந்த முறை 227வது இடத்தை பிடித்துள்ளது.

மேலும், 427வது இடத்தில் இருந்த அண்ணா பல்கலைக்கழகம் இந்த முறை 383வது இடத்துக்கு முன்னேறியுள்ளது என்பது குறிப்பிடத்தக்கது.