ஓபிசி பிரிவினர் இடையே விரிசலை ஏற்படுத்தி, ஆட்சியை கைப்பற்ற துடிக்கும் காங்கிரஸ் - ஜார்கண்ட்டில் பிரதமர் மோடி பேச்சு!

ஓபிசி பிரிவினர் இடையே விரிசலை ஏற்படுத்தி, ஆட்சியைக் கைப்பற்ற காங்கிரஸ் துடிப்பதாக பிரதமர் மோடி குற்றம் சாட்டியுள்ளார்.

Advertisement

ஜார்கண்ட் மாநிலம் தலைநகர் ராஞ்சியில் பிரதமர் மோடி, வாகனப் பேரணியில் ஈடுபட்டு பொது மக்களிடம் வாக்கு சேகரித்தார். ராஞ்சியில் உள்ள முக்கிய சாலை வழியாக 5 கிலோ மீட்டர் தூரம் வரை பிரதமர் மோடி, ரோடு ஷோவில் ஈடுபட்டார். அப்போது, சாலையின் இருபுறமும் குவிந்திருந்த பொதுமக்கள் பிரதமர் மோடிக்கு உற்சாக வரவேற்பளித்தனர்.

அப்போது, பேசிய பிரதமர் மோடி, ஆட்சியை கைப்பற்ற காங்கிரஸ் கட்சி மக்களை ஏமாற்றி வருவதாகவும், எனவே காங்கிரஸின் சூழ்ச்சிக்கு யாரும் பலியாகாமல் விழிப்புடன் இருந்து நாட்டை காப்பாற்ற வேண்டும் என்றும் வேண்டுகோள் விடுத்தார். பாஜகதான் மக்களின் உண்மையான சேவகன் என்றும் தெரிவித்தார்.

இதனைத் தொடர்ந்து, ஹடியா, கன்கோ மற்றும் ஹஜ்ரி உள்ளிட்ட 3 சட்டசபை தொகுதியிலும் ரோடு ஷோ நடைபெற்றது. பிரதமர் மோடியின் வாகன பேரணியை முன்னிட்டு கலாசார மற்றும் பாரம்பரிய நிகழ்ச்சிகளுக்கும் ஏற்பாடுகள் செய்யப்பட்டு இருந்தன.