காங்கிரஸ் அரச குடும்பத்தின் ஏடிஎம்களாக மாறிய ஹிமாச்சல், கர்நாடகா, தெலங்கானா மாநில அரசுகள் - பிரதமர் மோடி பேச்சு!

ஹிமாச்சல பிரதேசம், கர்நாடகா மற்றும் தெலங்கானா ஆகியவை காங்கிரஸ் அரச குடும்பத்தின் ஏடிஎம்களாக மாறிவிட்டன என பிரதமர் மோடி விமர்சித்துள்ளார்.

Advertisement

மகாராஷ்டிர மாநிலம் அகோலாவில் நடைபெற்ற பொதுக்கூட்டத்தில் பிரதமர் மோடி பங்கேற்றார். அப்போது அவருக்கு மஹாயுதி தலைவர்கள் வாழ்த்து தெரிவித்தனர். பின்னர் பேசிய பிரதமர் மோடி, காங்கிரஸ் எங்கு ஆட்சி அமைத்தாலும் அந்த மாநிலம் காங்கிரஸ் அரச குடும்பத்தின் ஏடிஎம்மாக மாறுகிறது எனக் கூறினார்.

ஹிமாச்சல பிரதேசம், கர்நாடகா மற்றும் தெலங்கானா ஆகிய மாநிலங்களே அதற்கு உதாரணம் எனவும் கூறினார். மகாராஷ்டிராவில் தேர்தல் என்ற பெயரில், கர்நாடகாவில் மது விற்பனையாளர்களிடம் இருந்து 700 கோடி ரூபாயை காங்கிரசார் கொள்ளையடித்துள்ளனர் எனவும் கூறினார்.

இதன் மூலம் ஒரு முறை தேர்தலில் வெற்றி பெற்றவுடன் காங்கிரசார் கொள்ளையடிப்பதை நம்மால் கற்பனை செய்து பார்க்க முடியும் எனவும் பிரதமர் மோடி தெரிவித்தார்.