காரைக்குடி அருகே மின்சாரம் பாய்ந்து மாணவர் உயிரிழப்பு - உறவினர்கள் சாலை மறியல்!

சிவகங்கை மாவட்டம் காரைக்குடி அருகே மின்சாரம் பாய்ந்து மாணவர் உயிரிழந்த விவகாரத்தில் ஆசிரியர்கள் மீது நடவடிக்கை எடுக்கக்கோரி உறவினர்கள் சாலைமறியல் போராட்டத்தில் ஈடுபட்டனர்.

Advertisement

பொய்யாவயல் ஊராட்சி உயர்நிலைப் பள்ளியில் சக்தி சோமையா என்ற மாணவர் 9-ஆம் வகுப்பு பயின்று வந்தார். கணினி வகுப்பின்போது மின்இணைப்பை வழங்குவதற்காக பிளக்கை மாட்டியுள்ளார்.

அப்போது எதிர்பாராத விதமாக சக்தி சோமையா மீது மின்சாரம் பாய்ந்ததில் அவர் தூக்கி வீசப்பட்டு உயிரிழந்தார். இதுகுறித்து தகவலறிந்த குடும்பத்தினர், ஆசிரியர்கள் மீது நடவடிக்கை எடுக்கக்கோரி சாலைமறியலில் ஈடுபட்டனர்.