காவலரை கத்தியால் குத்திய நபர் கைது!

மதுரையில் காவலரை கத்தியால் குத்திய நபரை கைது செய்த போலீசார் அவரிடம் விசாரணை மேற்கொண்டு வருகின்றனர்.

Advertisement

விருதுநகர் மாவட்டம் காரியாபட்டியை சேர்ந்த ராஜ்குமார், சென்னை அமைந்தகரை காவல் நிலையத்தில் காவலராக பணியாற்றி வருகிறார். பணி நிமித்தமாக மதுரைக்கு சென்ற ராஜ்குமார் பேருந்து நிலையத்தில் நின்றுகொண்டிருந்தார்.

அப்போது சோளங்குரணி பகுதியைச் சேர்ந்த ஆறுமுகம் என்பவருக்கும், ராஜ்குமாருக்கும் வாய்த்தகராறு ஏற்பட்டது. இதில் ஆத்திரமடைந்த ஆறுமுகம், ராஜ்குமாரை கத்தியால் குத்தியுள்ளார்.

இதனையடுத்து காயமடைந்த ராஜ்குமார் மருத்துவமனையில் சிகிச்சை பெற்றுவரும் நிலையில் ஆறுமுகத்தை கைது செய்த போலீசார் விசாரணை மேற்கொண்டு வருகின்றனர்.