குழந்தைகள் தினம் - புதுக்கோட்டை சந்தப்பேட்டை அரசு பள்ளியில் கோலாகல கொண்டாட்டம்!

புதுக்கோட்டை சந்தப்பேட்டை அரசு பள்ளியில் குழந்தைகள் தினம் கோலாகலமாக கொண்டாடப்பட்டது. நவம்பர் 14 ஆம் தேதி குழந்தைகள் தினமாக ஆண்டுதோறும் கொண்டாடப்பட்டு வருகிறது.

அந்த வகையில் குழந்தைகள் தினத்தையொட்டி சந்தப்பேட்டை அரசு நடுநிலைப் பள்ளியில் மாணவ - மாணவிகளை மாநிலங்களவை உறுப்பினர் அப்துல்லா மற்றும் ஆசிரியர்கள் மலர்தூவி வரவேற்றனர்.

இதனையடுத்து நேருவின் படத்திற்கு மாலை அணிவித்து மரியாதை செலுத்தப்பட்டது. அதனைத்தொடர்ந்து குழந்தைகளுக்கு இனிப்புகள் வழங்கி குழந்தைகள் தினம் கொண்டாடப்பட்டது.

இதேபோல்  கும்பகோணத்தில் உள்ள தனியார் பள்ளியில் குழந்தைகள் தினம் சிறப்பாக கொண்டாடப்பட்டது. 50-க்கும் மேற்பட்ட குழந்தைகள் நேரு வேடம் அணிந்து கொண்டாட்டத்தில் பங்கேற்றனர். மேலும், ஆடல், பாடல் உள்ளிட்ட நிகழ்ச்சிகளும் நடைபெற்றன.