கோவை செல்வராஜ் மறைவு - முதலமைச்சர் ஸ்டாலின் இரங்கல்!

முன்னாள் எம்.எல்.ஏ.வும், தி.மு.க. செய்தி தொடர்பாளருமான கோவை செல்வராஜ் மாரடைப்பால் உயிரிழந்த நிலையில் முதலமைச்சர் ஸ்டாலின் இரங்கல் தெரிவித்துள்ளார்.

Advertisement

கோவை செல்வராஜின் மகன் திருமணம் திருப்பதியில் நடைபெற்றது. இதையொட்டி, திருப்பதி சென்ற அவருக்கு திடீர் மாரடைப்பு ஏற்பட்டது. இதையடுத்து மருத்துவமனைக்கு செல்லும் வழியில் அவரது உயிர் பிரிந்தது. கோவை செல்வராஜின் உடல் கோவை கொண்டு வரப்பட்டு இறுதி அஞ்சலி செலுத்தப்படுகிறது.

கோவை மேற்கு தொகுதியில் கடந்த 1991-ஆம் ஆண்டு காங்கிரஸ் சார்பில் கோவை செல்வராஜ் எம்.எல்.ஏ.வாக தேர்வு செய்யப்பட்டார். நீண்ட காலம் காங்கிரஸில் இருந்த அவர், பின்னர் அ.தி.மு.க.வில் இணைந்தார்.

கடந்த 2 ஆண்டுகளுக்கு முன் தி.மு.க.வில் முதலமைச்சர் மு.க. ஸ்டாலின் முன்னிலையில் இணைந்த அவருக்கு செய்தித் தொடர்பாளர் பொறுப்பு வழங்கப்பட்டது. இந்த நிலையில்,கோவை செல்வராஜ் திடீரென மரணமடைந்தார் என்ற செய்தி கேட்டு பேரதிர்ச்சிக்குள்ளானதாகவும், மகன் திருமணத்தின்போது மாரடைப்பால் செல்வராஜ் மரணமடைந்த செய்தி ஆழ்ந்த வேதனையிலும், அதிர்ச்சியிலும் ஆழ்த்தியதாகவும் முதலமைச்சர் குறிப்பிட்டுள்ளார்.