சர்ச்சையில் சிக்கிய நடிகை சாய் பல்லவி!

நடிகை சாய் பல்லவி இந்திய ராணுவத்தை அவமதித்த சர்ச்சையில் சிக்கியுள்ளார்.

Advertisement

நடிகர் சிவகார்த்திகேயன், சாய் பல்லவி நடித்துள்ள அமரன் படம் தீபாவளியன்று திரைக்கு வருகிறது. இந்த நிலையில், கடந்த 2022ம் ஆண்டு ராணுவத்தை பற்றி சாய் பல்லவி பேசிய வீடியோ ஒன்று வைரலாகி வருகிறது.

அதில், பாகிஸ்தானில் உள்ள மக்கள் நம் ராணுவத்தை பயங்கரவாதக் குழு என்று நினைக்கிறார்கள் என்றும், நாம் அவர்களை பயங்கரவாதிகள் என்று கருதுகிறோம் என்றும் சாய் பல்லவி தெரிவித்து இருந்தார்.

இதுமட்டுமன்றி காஷ்மீர் ஃபைல்ஸ் படத்தில் காஷ்மீர் பண்டிட்கள் என்ன இன்னல்களுக்கு ஆளானார்கள் என்பதை காட்டியதாகவும், அதே போல் பசுக்களை ஏற்றிச் சென்றவர்கள் இஸ்லாமியராக இருந்தால் அவரை அடித்து ஜெய் ஸ்ரீராம் என சொல்ல வைத்தார்கள் என்றும் சாய் பல்லவி சுட்டிக்காட்டினார்.

சாய் பல்லவியின் இந்தப் பழைய வீடியோவை சமூக வலைத்தளங்களில் பலரும் பகிர்ந்து அவருக்கு கண்டனம் தெரிவித்துள்ளனர்.