சூரியனார் கோவில் ஆதீனம் பதவி விலக வலியுறுத்தி கண்டன போஸ்டர்!

திருமணம் செய்துகொண்ட சூரியனார் கோயில் ஆதீனம் மடத்தை விட்டு வெளியே செல்ல வேண்டும் என திருவிடைமருதூரில் போஸ்டர்கள் ஒட்டப்பட்டுள்ளன.

Advertisement

கும்பகோணத்தில் உள்ள சூரியனார் கோயில் ஆதீனமாக மகாலிங்க சுவாமிகள் உள்ளார். இவர் கடந்த 10ம் தேதி கர்நாடகாவில் வசித்து வரும் ஹேமா ஸ்ரீ என்பவரை திருமணம் செய்துகொண்டார். இவர்கள் பதிவு திருமணம் செய்துகொண்டதற்கான சான்றிதழ் இணையத்தில் வேகமாக பரவியது.

இந்த நிலையில், சூரியனார் கோயில் ஆதீனத்திற்கு எதிராக தஞ்சாவூர் மாவட்டம் திருவிடைமருதூர் மற்றும் சுற்றுவட்டார பகுதிகளில் போஸ்டர்கள் ஒட்டப்பட்டுள்ளன.

அதில், சூரியனார் கோயில் ஆதீனம் பதவியில் இருந்து மகாலிங்க சுவாமிகள் விலக வேண்டும் என்றும், இல்லாவிட்டால் ஆதீனத்தின் மடம் மக்கள் வசப்படும் எனவும் தெரிவிக்கப்பட்டுள்ளது.