சென்னையில் அரசு மருத்துவருக்கு கத்திக்குத்து - பலத்த காயங்களுடன் தீவிர சிகிச்சை பிரிவில் அனுமதி!

சென்னை கிண்டியில் உள்ள அரசு மருத்துவமனையில் பணியில் இருந்த மருத்துவரை, ஒருவர் கத்தியால் சரமாரியாக குத்திய சம்பவம் அதிர்ச்சியை ஏற்படுத்தியுள்ளது.

Advertisement

சென்னை கிண்டியில் கலைஞர் நூற்றாண்டு மருத்துவமனை செயல்பட்டு வருகிறது. இந்த மருத்துவமனைக்கு இளைஞர்கள் சிலர் வந்துள்ளனர். அவர்கள் புற்றுநோய் மருத்துவ நிபுணர் பாலாஜியை நேரில் சந்தித்துள்ளனர்.

அப்போது, இளைஞர் ஒருவர், தான் மறைத்து வைத்திருந்த கத்தியை எடுத்து, மருத்துவர் பாலாஜி மீது சரமாரியாக குத்தியுள்ளார். இதில், மருத்துவர் பாலாஜிக்கு 7 இடங்களில் கத்திக்குத்து விழுந்துள்ளது. குறிப்பாக, கழுத்து மற்றும் முதுகு உள்ளிட்ட பகுதிகளில் பலத்த காயம் ஏற்பட்டுள்ளது.

இதனையடுத்து, அவர சிகிச்சை பிரிவில் வைத்து மருத்துவர் பாலாஜிக்கு சிகிச்சை அளிக்கப்பட்டு வருவதாக மருத்துவமனை நிர்வாகம் தெரிவித்துள்ளது.