சென்னையில் குழந்தைகளுடன் கால்பந்து விளையாடிய நட்சத்திர வீரர்!

பிரபல கால்பந்து அணியான பாரீஸ் செயிண்ட் ஜெர்மன் அணி வீரர் லோகன் ரகுராம், சென்னையில் குழந்தைகளுடன் கால்பந்து விளையாடி மகிழ்ந்தார்.

பிரான்சில் உள்ள பிரபல கால்பந்து அணியான பாரீஸ் செயிண்ட் ஜெர்மன் அணியை சேர்ந்தவர், லோகன் ரகுராம். இவர் சர்வதேச அளவில் மிகச்சிறந்த 8 ஃப்ரீ ஸ்டைல் கால்பந்து வீரர்களில் ஒருவராகவும் உள்ளார்.

புதுச்சேரியை பூர்வீகமாக கொண்ட லோகன், சென்னை தண்டையார்பேட்டை பகுதியில் சாலையோர குழந்தைகளை பராமரிக்கும் இல்லத்திற்கு வருகை தந்திருந்தார். அங்கு குழந்தைகள் தினத்தை கொண்டாடிய அவர், கால்பந்தை கொண்டு பல்வேறு சாகசங்கள் செய்து அசத்தினார்.

பின்னர் பேட்டியளித்த அவர், தாம் வெளிநாட்டில் பிறந்திருந்தாலும் இந்தியாவை நேசிப்பதாகவும், குழந்தைகளுடன் நேரம் செலவிட்டது மகிழ்ச்சி அளிப்பதாகவும் தெரிவித்தார்.