சென்னை அரசு மருத்துவமனைகளில் காவல் உதவி மையம் - மாநகர காவல்துறை அறிவிப்பு!

சென்னையில் அனைத்து அரசு மருத்துவமனைகளிலும் காவல் உதவி மையம் அமைக்கப்படும் என சென்னை காவல் ஆணையரகம் தெரிவித்துள்ளது.

Advertisement

சென்னையில் 19 அரசு மருத்துவமனைகளில், 9 அரசு மருத்துவமனைகளில் காவல் உதவி மையம் அமைக்கப்பட்டிருப்பதாக கூறப்பட்டுள்ளது. மீதமுள்ள 10 அரசு மருத்துவமனைகளில் காவல் நிலைய உதவி மையம் அமைக்கப்பட்டு, ஒரு காவல் உதவி மையத்தில் பத்து காவலர்கள் வீதம் பாதுகாப்பு பணியில் ஈடுபடுவார்கள் என தெரிவிக்கப்பட்டுள்ளது.

ஏற்கனவே சென்னை ராஜீவ் காந்தி அரசு மருத்துவமனை, ஸ்டான்லி அரசு மருத்துவமனை, கீழ்ப்பாக்கம் அரசு மருத்துவமனையில் காவல் உதவி மையங்கள் இருக்கும் நிலையில், காவல் உதவி மையங்கள் இல்லாத மருத்துவமனைகளில் தற்போது காவல் உதவி மையம் அமைத்து காவலர்கள் பாதுகாப்பு பணியில் ஈடுபட நடவடிக்கை எடுக்கப்பட்டுள்ளதாக காவல்துறை அதிகாரிகள் தரப்பில் தெரிவிக்கப்பட்டுள்ளது.