சேலம் அருகே ஊதியம் வழங்காததற்கு எதிர்ப்பு - டெங்கு ஒழிப்பு பணியாளர்கள் போராட்டம்!

சேலம் மாவட்டம் நரசிங்கபுரம் நகராட்சியில் மாத ஊதியம் வழங்கப்படாததை கண்டித்து தற்காலிக டெங்கு ஒழிப்பு பணியாளர்கள் போராட்டத்தில் ஈடுபட்டனர்.

Advertisement

18 வார்டுகள் கொண்ட நரசிங்கபுரம் நகராட்சியில் தற்காலிக டெங்கு களப்பணியாளர்களாக 29 பேர் பணிபுரிந்து வருகின்றனர். இந்நிலையில், இவர்களுக்கு நகராட்சி நிர்வாகம் 3 மாதங்களாக ஊதியம் வழங்கவில்லை என புகார் எழுந்துள்ளது.

இதையடுத்து 3 மாத ஊதியத்தை வழங்க வலியுறுத்தி நகராட்சி அலுவலகம் முன் டெங்கு பணியாளர்கள் தர்ணாவில் ஈடுபட்டனர். இதையடுத்து ஊதியத்தை வழங்க நடவடிக்கை எடுப்பதாக நகராட்சி ஆணையாளர் உறுதியளித்ததன் பேரில் அவர்கள் கலைந்து சென்றனர்.