சேலம் : எருதாட்டத்திற்கு வழங்கப்பட்ட அனுமதி ரத்து!

சேலம் மாவட்டம் ஓமலூர் அருகே ஏற்பட்ட மோதலால் எருதாட்டத்திற்கு வழங்கப்பட்ட அனுமதி ரத்து செய்யப்பட்டது.

சேலம் மாவட்டம் ஓமலூர் அருகே செல்லப்பிள்ளை குட்டை கிராமத்தில் எருதாட்டம் நடத்த ஏற்பாடு செய்யப்பட்டது. இந்நிலையில், இளைஞர்கள் சிலர் எருதாட்ட திடலில் மது போதையில் தகராறு செய்துள்ளனர்.

இதனை தட்டி கேட்டவர்களை அவர்கள் வீடு புகுந்து தாக்கியுள்ளனர். இதில், ஊராட்சி துணை தலைவர் உள்ளிட்டோர் காயமடையவே, அவர்கள் அரசு மருத்துவமனையில் அனுமதிக்கப்பட்டனர்.

இதனையடுத்து, எருதாட்ட அனுமதியை ரத்து செய்த போலீசார், காளைகளுடன் மைதானத்திற்கு வந்த அனைவரையும் திருப்பி அனுப்பினர்.