சேலம் : 6 மாதங்களாக பயன்பாட்டுக்கு வராத புது ரேஷன் கடை : வீணடிக்கப்படும் மக்கள் வரிப்பணம்!

சேலம் மாவட்டம் சங்ககிரி அருகே திறப்பு விழா கண்டு 6 மாதங்களாகியும் புது ரேஷன் கடை பயன்பாட்டுக்கு வராததால், மக்கள் வரிப்பணம் வீணடிக்கப்படுவதாக குற்றச்சாட்டு எழுந்துள்ளது.

தேவண்ணக்கவுண்டனூர் ஊராட்சியில் 400க்கும் மேற்பட்ட குடும்பத்தினர் வசித்து வருகின்றனர். இங்கு 11 லட்சம் ரூபாய் மதிப்பீட்டில் புது ரேஷன் கடை கட்டப்பட்டு ஜூனில் திறக்கப்பட்டது.

ஆனால் மின் இணைப்பு வழங்காததால், ஆறு மாதங்களாகியும், இதுவரை கடை பயன்பாட்டிற்கு வரவில்லை என கூறப்படுகிறது.

இதனால் அப்பகுதி மக்கள் கிடையூர்பூதூர் பகுதியில் உள்ள ரேஷன் கடைக்கு சென்று பொருட்களை வாங்கி வரும் அவலநிலை ஏற்பட்டுள்ளது.