ஜம்மு- காஷ்மீர்: பயங்கரவாதிகளைத் தேடும் பணி தீவிரம்!

ஜம்மு- காஷ்மீர் அக்னூரில் பயங்கரவாதிகளைத் தேடும் பணியில் ராணுவ வீரர்கள் தீவிரமாக ஈடுபட்டனர்.

Advertisement

அக்னூர் வழியாக சென்ற ராணுவ வாகனம் மற்றும் ஆம்புலன்ஸ் மீது பயங்கரவாதிகள் மறைந்திருந்து தாக்குதல் நடத்தினர். இதற்கு ராணுவ வீரர்கள் பதில் தாக்குதல் நடத்தியதில், பயங்கரவாதி ஒருவர் உயிரிழந்தார்.

மேலும், இருவர் தப்பியோடினர். ஏறத்தாழ எட்டு மணிநேரமாக பாதுகாப்பு படையினருக்கும் பயங்கரவாதிகளுக்கும் இடையே நடந்த மோதலில், ராணுவ மோப்ப நாயும் உயிரிழந்தது. இதையடுத்து தப்பியோடிய பயங்கரவாதிகளைத் தேடும் பணியில் ராணுவ வீரர்கள் தீவிரமாக ஈடுபட்டனர்.