தனியார் வங்கி ஏடிஎம் மையத்தில் பயங்கர தீ விபத்து!

திருவள்ளூர் அருகே தனியார் வங்கி ஏடிஎம் மையத்தில் தீப்பற்றியதால், அப்பகுதி மக்கள் அச்சமடைந்தனர்.

Advertisement

திருவள்ளூர் மாவட்டம் கே.கே.சத்திரம் பகுதியில், தனியார் வங்கிக்கு சொந்தமான ஏடிஎம் மையம் உள்ளது. இந்நிலையில், ஏடிஎம் மையத்தில் திடீரென தீ விபத்து ஏற்பட்டுள்ளது.

தீ கொழுந்துவிட்டு எரிந்ததால், அந்த மையம் முழுவதும் சேதமடைந்தது. காலையில் வங்கி ஊழியர்கள் ஏடிஎம் இயந்திரத்தில் பணம் நிரப்பிச் சென்றிருந்த நிலையில், தீ விபத்து ஏற்பட்டுள்ளதால், வங்கி அதிகாரிகள் அதிர்ச்சி அடைந்தனர். எவ்வளவு பணம் எரிந்துள்ளது என்பது குறித்து முழு விசாரணைக்கு பின்னரே தெரியவரும்.