தமிழகத்தில் மருத்துவர்களுக்கு பாதுகாப்பற்ற சூழல் நிலவுகிறது - பாஜக மூத்த தலைவர் ஹெச்.ராஜா குற்றச்சாட்டு!

தமிழகத்தில் மருத்துவர்களுக்கு ஆபத்தான சூழல் நிலவுவதாகவும், அரசு மருத்துவமனைகளில் மருத்துவர்களுக்கு பாதுகாப்பு தரப்பட வேண்டும் எனவும் பாஜக ஒருங்கிணைப்புக் குழு அமைப்பாளர் ஹெச்.ராஜா தெரிவித்துள்ளார்.

சென்னை கிண்டியில் உள்ள கருணாநிதி நூற்றாண்டு பல்நோக்கு மருத்துவமனையில் கத்தியால் குத்தப்பட்ட அரசு மருத்துவர் பாலாஜியை, பாஜக ஒருங்கிணைப்புக் குழு அமைப்பாளர் ஹெச்.ராஜா நேரில் சந்தித்து நலம் விசாரித்தார்.

பின்னர் செய்தியாளர்களிடம் பேசிய அவர், தமிழகத்தில் மருத்துவர்களுக்கு ஆபத்தான சூழல் நிலவி வருவதாகவும், அரசு மருத்துவமனைகளில் மருத்துவர்களுக்கு உரிய பாதுகாப்பு தரப்பட வேண்டும் எனவும் தெரிவித்தார். மேலும், மருத்துவர் பாலாஜி மீது குற்றஞ்சாட்ட அரசு முயற்சித்து வருவதாக கூறிய அவர், குற்றவாளியை நியாயப்படுத்தும் வகையில் யாரும் நடந்துக்கொள்ள கூடாது என கேட்டுக்கொண்டார்.