தவெக மாநாடு நிறைவு - அலங்கோலமாக காட்சியளிக்கும் வி.சாலை திடல்!

தவெக மாநாட்டிற்கு பிறகு வி.சாலை திடல் அலங்கோலமாக காட்சியளிக்கிறது.

Advertisement

நடிகர் விஜய் கட்சியின் முதல் மாநாடு விக்கிரவாண்டியில் உள்ள வி.சாலையில் நேற்று நடைபெற்றது. மாநாட்டில் பங்கேற்பதற்காக லட்சக்கணக்கான தொண்டர்கள் வருகை தந்தனர்.

காலை முதலே வரத்தொடங்கிய தொண்டர்கள் மாலை 3 மணி வரை காத்திருக்கும் நிலை ஏற்பட்டது. பின்னர் தவெக தலைவர் விஜய்யின் சிறப்புரை முடிந்ததும் அனைவரும் அங்கிருந்து கலைந்து சென்றனர்.

இந்த நிலையில், தொண்டர்கள் ஆங்காங்கே தண்ணீர் பாட்டில்களை வீசி சென்றனர். தவெக மாநாட்டில் போடப்பட்டிருந்த பிளாஸ்டிக் நாற்காலிகள் உடைக்கப்பட்டு, ஆங்காங்கே சிதறியிருக்கின்றன. மாநாட்டு திடலை சுற்றயுள்ள பகுதிகள் மட்டுமல்லாமல் தேசிய நெடுஞ்சாலையில் ஆங்காங்கே குப்பைகள் சிதறி கிடக்கின்றன.