திண்டிவனம் அருகே சார்ஜ் ஏற்றியபோது தீப்பிடித்து எரிந்த எல்க்ட்ரிக் பைக்!

விழுப்புரம் மாவட்டம், திண்டிவனம் அருகே சார்ஜ் ஏற்றியபோது தீப்பிடித்த எலக்ட்ரிக் பைக்கின் பேட்டரி திடீரென வெடித்ததால் அப்பகுதியில் பதற்றமான சூழல் நிலவியது.

கூட்டேரிப்பட்டு பகுதியைச் சேர்ந்த மணி என்பவர் தனது எல்க்ட்ரிக் பைக்கை வீட்டில் சார்ஜ் போட்டுள்ளார். சிறிது நேரத்தில் எலக்ட்ரிக் பைக் தீப்பிடித்து எரியத்தொடங்கிய நிலையில், பைக்கில் இருந்த பேட்டரி திடீரென வெடித்து சிதறியது.

இது குறித்து அக்கம் பக்கத்தினர் அளித்த தகவலின் பேரில் சம்பவ இடத்திற்கு சென்ற தீயணைப்புத்துறையினர் விரைந்து செயல்பட்டு தீயை அணைத்தனர். இந்த சம்பவம் தொடர்பாக மயிலம் போலீசார் வழக்குப்பதிவு செய்து விசாரணை நடத்தி வருகின்றனர்.