திருச்சியில் மெத்தபெட்டமைன் போதைப் பொருள் விற்பனை - 8 பேர் கைது!

திருச்சியில் மெத்தபெட்டமைன் போதைப் பொருள் விற்பனை செய்த இளைஞர்கள் உள்ளிட்ட 8 பேரை போலீசார் கைது செய்தனர்.

மாவட்டத்தின் பல்வேறு பகுதிகளில் போதை மருந்து விற்பனையில் சிலர் ஈடுபட்டு வருவதாக போலீசாருக்கு ரகசிய தகவல் கிடைத்தது. அதன்பேரில், நம்பர் ஒன் டோல்கேட் அருகே உள்ள கொள்ளிடம் பகுதியில் சந்தேகத்திற்குரிய வகையில் பதுங்கியிருந்த வினோத்குமார் மற்றும் ஜீபேர் அஹமது உள்ளிட்ட 8 பேரை பிடித்து விசாரணை நடத்தினர்.

இதில், அவர்கள் மெத்தபெட்டமைன் போதை மருந்தை விற்பனை செய்தது தெரியவந்தது. அவர்கள் கிரிண்டர் எனும் செல்போன் செயலி மூலம் தன்பாலின துணையை தேர்வு செய்தும், போதை மருந்தை விற்பனை செய்து வந்துள்ளனர்.

இதனையடுத்து, அவர்கள் 8 பேரை கைது செய்த போலீசார், அவர்களிடம் இருந்து 22 கிராம் மெத்தபெட்டமின் போதை மருந்து, ஊசி, செல்போன், 4 ஆயிரம் ரூபாய் ரொக்கம் மற்றும் சொகுசு கார் ஆகியவற்றை பறிமுதல் செய்தனர்.