திருச்செந்தூரில் மரக்கடையில் தீ விபத்து - மரங்கள் எரிந்து சேதம்!

தூத்துக்குடி மாவட்டம் திருச்செந்தூரில் மரக்கடையில் ஏற்பட்ட தீ விபத்தில் பல கோடி ரூபாய் மதிப்பிலான மரங்கள் எரிந்து சேதமடைந்தன.

திருச்செந்தூர் - தூத்துக்குடி சாலையில் சுரேஷ் என்பவருக்கு சொந்தமான மரக்கடை உள்ளது. இங்கு பல கோடி ரூபாய் மதிப்பிலான மரங்கள் அடுக்கி வைக்கப்பட்டிருந்தன. இந்நிலையில் மரக்கடையில் மின்கசிவு காரணமாக தீ விபத்து ஏற்பட்டது.

இதுகுறித்து தகவலறிந்த தீயணைப்புத் துறையினர் சுமார் 2 மணி நேரம் போராடி தீயை கட்டுக்குள் கொண்டு வந்தனர். இருப்பினும் குடோனில் இருந்த பல கோடி ரூபாய் மதிப்பிலான மரங்கள் தீயில் எரிந்து முழுவதும் சேதமடைந்தன.