திருமணம் செய்து கொள்வாக கூறி இளம்பெண்ணை கர்ப்பமாக்கிய பாடகர் கைது!

திருமணம் செய்வதாக ஆசை வார்த்தை கூறி இளம்பெண்ணை கர்ப்பமாக்கிய பாடகர் குருகுகன் சென்னையில் கைது செய்யப்பட்டார்.

சென்னை மேற்கு மாம்பலத்தை சேர்ந்த குருகுகன் வர இறுதி நாட்களில் நடைபெறும் ஹேப்பி ஸ்ட்ரீட் நிகழ்ச்சியிலும், பல இசை நிகழ்ச்சியிலும் பங்கேற்று பாடல்களை பாடி வருகிறார்.

இந்த நிலையில் குருகுகன் மீது பரங்கிமலை பகுதியை சேர்ந்த சாஃப்ட்வேர் இன்ஜினியரான இளம் பெண் ஒருவர் சென்னை பெருநகர காவல் ஆணையர் அலுவலகத்தில் புகார் அளித்தார்.

அந்த புகாரில், பாடகர் குருகுகன் தன்னை திருமணம் செய்து கொள்வதாக ஆசைவார்த்தை கூறி, கர்ப்பமாக்கி விட்டு, பின்னர் கட்டாயப்படுத்தி கருக்கலைப்பு செய்ததாக தெரிவித்திருந்தார். இதையடுத்து வழக்குப்பதிவு செய்த போலீசார் தலைமறைவாக இருந்த பாடகர் குருகுகனை கைது செய்தனர்.