தீபாவளி சீட்டு நடத்தி பல லட்சம் ரூபாய் மோசடி!

திருப்பத்தூரில் தீபாவளி சீட்டு நடத்தி பல லட்சம் ரூபாய் மோசடி செய்தவரின் வீட்டை 50-க்கும் மேற்பட்ட பெண்கள் முற்றுகையிட்டனர்.

காளியம்மன் முதலியார் லே-அவுட் தெருவை சேர்ந்த ராஜேந்திரன், கடந்த சில வருடங்களாக ஆயிரக்கணக்கான பெண்களிடம் தீபாவளி சீட்டு நடத்தி வந்துள்ளார். ஆயிரத்து 200 ரூபாய் முதல் 3 ஆயிரத்து 500 ரூபாய் வரை பெண்கள் மாதாமாதம் பணம் செலுத்தி வந்துள்ளனர்.

கடந்த சில வருடங்களாக சீட்டு நடத்தி முறையாக நகைகளை கொடுத்துவந்த ராஜேந்திரன், இந்த தீபாவளிக்கு நகையை கொடுக்காமல் வாடகை வீட்டை காலி செய்துவிட்டு தப்பியோடியுள்ளார். இதனால் அதிர்ச்சியடைந்த பெண்கள் அவரது வீட்டை முற்றுகையிட்டனர். பின்னர், மாவட்ட காவல் கண்காணிப்பாளரிடம் இதுதொடர்பாக நடவடிக்கை எடுக்கக்கோரி மனு அளித்தனர்.