துரைப்பாக்கத்தில் போதைப்பொருள் விற்பனை - 4 பேர் கைது!

சென்னை துரைப்பாக்கம் பகுதியில் போதைப்பொருள் விற்பனையில் ஈடுபட்ட 4 பேரை காவல்துறையினர் கைது செய்தனர்.

Advertisement

துரைப்பாக்கம் பகுதியில் உள்ள தகவல் தொழில்நுட்ப நிறுவனம் அருகே, போதைப்பொருள் விற்பனை செய்யப்படுவதாக்க போலீசாருக்கு தெரியவந்தது. கடந்த சில நாட்களுக்கு முன்பு கைது செய்யப்பட்ட சின்னத்திரை நடிகை மீனா கொடுத்த தகவலின்பேரில் அந்த பகுதியில் கண்காணிப்பு பணியில் ஈடுபட்ட போலீசார், வெகுநேரமாக ஒரே இடத்தில் நின்றிருந்த லோகேஷ் என்ற நபரிடம் விசாரணை மேற்கொண்டனர்.

அப்போது, அவரிடம் 6 கிராம் மெத்தபெட்டமைன் இருப்பதை கண்டறிந்த போலீசார் அவரை கைது செய்தனர். பின்னர் தொடர்ந்து மேற்கொள்ளப்பட்ட விசாரணையில், லோகேஷுடன் இணைந்து தேவேந்திரன், ராஜேஷ், ஆலன் கிரிகெரி ஆகியோரும் போதைப்பொருள் விற்பனையில் ஈடுபட்டது தெரியவந்தது.

இதனையடுத்து அவர்கள் மூவரையும் கைது செய்த போலீசார் போதை மாத்திரைகள், 4 செல்போன்கள் உள்ளிட்டவற்றை பறிமுதல் செய்தனர்.