நடிகர் டெல்லி கணேஷ் மறைவு - பிரதமர் மோடி, நடிகர் ரஜினிகாந்த் இரங்கல்!

நடிகர் டெல்லி கணேஷ் மறைவுக்கு பிரதமர் மோடி, நடிகர் ரஜினிகாந்த் உள்ளிட்டோர் இரங்கல் தெரிவித்துள்ளனர்.

Advertisement

இது தொடர்பாக, பிரதமர் மோடி இரங்கல் செய்தியில், புகழ்பெற்ற திரைப்பட ஆளுமையான டெல்லி கணேஷின் மறைவு தனக்கு மிகுந்த வேதனையை ஏற்படுத்தியதாகவும், தனது ஈடு இணையற்ற நடிப்புத் திறன் மூலம் அவர் அறியப்பட்டதாகவும் புகழாரம் சூட்டியுள்ளார்.

ஒவ்வொரு கதாபாத்திரத்தையும் ஆழமாக ஏற்று, தலைமுறைகளைக் கடந்து ரசிகர்களுடன் தன்னை இணைத்துக் கொண்டமைக்காக டெல்லி கணேஷ் என்றென்றும் நினைவு கூரப்படுவார் என்று கூறியுள்ள பிரதமர் மோடி, அவரை பிரிந்து வாடும் குடும்பத்தினருக்கும், ரசிகர்களுக்கும் ஆழ்ந்த இரங்கல் தெரிவித்துக் கொள்வதாக கூறியுள்ளார்.

இதேபோல் நடிகர் ரஜினிகாந்த் விடுத்துள்ள இரங்கல் செய்தியில், என்னுடைய நண்பர் டெல்லி கணேஷ் அருமையான மனிதர். அற்புதமான நடிகர். அவருடைய மறைவு செய்தி கேட்டு மனம் வருந்துகிறேன். அவருடைய குடும்பத்தினருக்கும், நண்பர்களுக்கும்  அனுதாபங்களைத் தெரிவித்துக் கொள்கிறேன் என கூறியுள்ளார்.