நடிகை கஸ்தூரிக்கு 29-ஆம் தேதி வரை நீதிமன்ற காவல் - எழும்பூர் நீதிமன்றம் உத்தரவு!

நடிகை கஸ்தூரிக்கு வரும் 29ஆம் தேதி வரை நீதிமன்ற காவல் விதித்து எழும்பூர் நீதிமன்றம் உத்தரவிட்டுள்ளது.

சென்னையில் நடைபெற்ற ஆர்ப்பாட்டத்தில் தெலுங்கு மக்கள் குறித்து நடிகை கஸ்தூரி அவதூறாக பேசியதாக புகார் எழுந்தது. இதை தொடர்ந்து சென்னை, மதுரை, கோவை ஆகிய நகரங்களில் கஸ்தூரி மீது வழக்குப்பதிவு செய்யப்பட்டது.

இதை தொடர்ந்து கஸ்தூரி தாக்கல் செய்த முன்ஜாமீன் மனுவை உயர்நீதிமன்ற மதுரை அமர்வு தள்ளுபடி செய்ததால், 2 தனிப்படை அமைத்து அவரை போலீசார் தேடி வந்தனர்.இந்நிலையில், ஐதராபாத்தில் இருந்த கஸ்தூரியை நேற்றிரவு கைது செய்த போலீசார், சென்னை சிந்தாதிரிப்பேட்டை காவல் நிலையத்திற்குஅழைத்து வந்தனர்.

தொடர்ந்து எழும்பூரில் உள்ள நீதிபதி வீட்டில் ஆஜர்படுத்தப்பட்ட நடிகை கஸ்தூரிக்கு வரும் 29ஆம் தேதி வரை நீதிமன்ற காவல் விதித்து நீதிபதி உத்தரவிட்டார்.