நல்ல படங்களை விமர்சிப்பதற்காக சிலர் திரையரங்கம் வருகின்றனர் - நடிகர் சூரி ஆதங்கம்!

கங்குவா போன்ற நல்ல சினிமாக்களை எதிர்மறையாக விமர்சிக்க சிலர் திரையரங்கம் வருவதாக  நடிகர் சூரி காட்டமாக பதிலளித்துள்ளார்.

தூத்துக்குடி மாவட்டம் திருச்செந்தூர் சுப்பிரமணிய சுவாமி திருக்கோயிலுக்கு நடிகர் சூரி சுவாமி தரிசனம் செய்ய சென்றிருந்தார். அதிகாலையிலே அனைத்து சன்னதிகளிலும் சிறப்பு வழிபாடு செய்தார்.  பின்னர் கோயிலில் இருந்து வெளியே வந்த அவரை பக்தர்களும், ரசிகர்களும், போட்டி போட்டு புகைப்படம் மற்றும் செல்பி எடுத்துக்கொண்டனர்.

பின்னர் செய்தியாளர்களிடம் பேசிய அவர், நடிகர் சூர்யா நடித்த கங்குவா படம் அருமையாக இருப்பதாகவும், குடும்பத்துடன் திரையரங்கம் சென்று பார்த்ததாகவும் கூறினார்.

கங்குவா போன்ற நல்ல சினிமாக்களுக்கு எதிர்மறையான விமர்சனம் கொடுப்பதற்காகவே சிலர் திரையரங்கம் வருகின்றனர் என்றும், எதிர்மறையான விமர்சனங்களால் அவர்கள் தன்னை பிரபலப்படுத்திக்கொள்ள முயற்சிக்கிறார்கள் எனவும் நடிகர் சூரி தெரிவித்தார்.