நாம் தமிழர் கட்சியின் நிர்வாகிகள் தொடர்ச்சியாக விலகல்!

நாம் தமிழர் கட்சியின் சேலம் மாநகர செயலாளர் தங்கதுரை அக்கட்சியில் இருந்து விலகுவதாக தெரிவித்துள்ளார்.

நாம் தமிழர் கட்சியின் மாநில, மண்டல, மாவட்ட நிர்வாகிகள் பலரும் அக்கட்சியில் இருந்து விலகுவது அண்மைக்காலமாக அதிகரித்துள்ளது. இந்நிலையில், அக்கட்சியின் சேலம் மாநகர் மாவட்ட செயலாளர் தங்கதுரை என்பவரும் கட்சியில் இருந்து விலகுவதாக அறிவித்துள்ளார்.

இதேபோல நாம் தமிழர் கட்சியின் வீர தமிழர் முன்னணியின் சேலம் மாவட்ட செயலாளர் வைரமும் கட்சியின் அடிப்படை உறுப்பினர் பொறுப்பில் இருந்து விலகுவதாக சமூக வலைதளத்தில் பதிவிட்டுள்ளார்.

நாம் தமிழர் கட்சியில் விழுப்புரம், கிருஷ்ணகிரி, திருச்சி மாவட்டங்களை தொடர்ந்து சேலத்திலும் அதன் நிர்வாகிகள் ஒருவர் பின் விலகுவது அக்கட்சிக்கு நெருக்கடியை ஏற்படுத்தியுள்ளது.