நெல் அறுவடை செய்யும் இயந்திரத்தில் சிக்கி பெண் உயிரிழப்பு!

திருப்பத்தூர் மாவட்டம் பெரிய வெங்காயபள்ளியில் நெல் அறுவடை செய்யும் இயந்திரத்தில் சிக்கி பெண் ஒருவர் உயிரிழந்தார்.

தாதவல்லி பகுதியைச் சேர்ந்த சசி என்பவர், நெல் அறுவடை பணிக்காக சென்றுள்ளார்.

அப்போது அறுவடை செய்யும் இயந்திரத்தில் தலைமுடி மற்றும் உடை சிக்கிக்கொள்ளவே, அவர் உள்ளே இழுக்கப்பட்டு உயிரிழந்தார்.

இது குறித்து வழக்குப்பதிவு செய்த போலிசார், தப்பியோடிய நெல் அறுவை இயந்திரத்தின் ஓட்டுநரை தேடி வருகின்றனர்.