பட்டாசு தீப்பொறி விழுந்து தீப்பெட்டி ஆலையில் தீ விபத்து!

விருதுநகரில் பட்டாசு தீப்பொறியால் தீப்பெட்டி ஆலையில் ஏற்பட்ட தீ விபத்தில் பல லட்சம் மதிப்பிலான பொருட்கள் எரிந்து நாசமாகின.

சிவகாசியைச் சேர்ந்த ஹரிராம் சுந்தரவேல் என்பவர் அல்லம்பட்டியில் தீப்பெட்டி ஆலை நடத்தி வரும் நிலையில், நேற்று தீபாவளி பண்டிகையை ஒட்டி வெடிக்கப்பட்ட பட்டாசின் தீப்பொறி விழுந்து ஆலையில் தீவிபத்து ஏற்பட்டது.

தகவல் அறிந்து வந்த தீயணைப்புத்துறையினர் விரைந்து செயல்பட்டு தீயை பரவவிடாமல் அணைத்தனர். இந்த விபத்தில் பல லட்சம் மதிப்பிலான பொருட்கள் எரிந்து நாசமாகின.