பருவநிலை மாற்றத்தை கட்டுப்படுத்த வளர்ந்த நாடுகள் போதிய நிதியுதவி அளிப்பதில்லை - இந்தியா அதிருப்தி!

பருவநிலை மாற்றத்தைக் கட்டுப்படுத்த வளரும் நாடுகளுக்கு வளர்ந்த நாடுகள் போதிய நிதியுதவி அளிப்பதில்லை என இந்தியா அதிருப்தி தெரிவித்துள்ளது.

அசர்பைஜானில் நடைபெற்று வரும் பருவநிலை உச்சி மாநாட்டில், இந்தியா தரப்பில் சமர்ப்பிக்கப்பட்ட அறிக்கையில், இந்தத் தகவல் இடம் பெற்றுள்ளது.

மேலும், இதே நிலைமை நீடித்தால், பாரீஸ் பருவநிலை மாநாட்டில் மேற்கொள்ளப்பட்ட முடிவுகளை எட்டுவது கடினம் என்றும் இந்தியா கவலை தெரிவித்துள்ளது.