பாட்னாவில் மெட்ரோ கட்டுமான பணியில் விபத்து: 3 பேர் உயிரிழப்பு!

பீகார் மாநிலம் பாட்னாவில் மெட்ரோ ரயில் கட்டுமான பணியின்போது ஏற்பட்ட விபத்தில் 3 தொழிலாளர்கள் உயிரிழந்தனர். மேலும் 4 பேர் காயமடைந்தனர்.

Advertisement

பாட்னாவில் மெட்ரோ ரயில் திட்டத்திற்காக சுரங்கம் தோண்டும் பணி நடைபெற்று வந்தது. அப்போது, பொருட்களை ஏற்றிச் செல்லும் ராட்சத இயந்திரத்தில் திடீரென பிரேக் செயலிழந்ததாக தெரிகிறது.

இதனால் அதன் வழித்தடத்தில் சிக்கிக் கொண்ட 7 பேர் மீது அந்த இயந்திரம் விழுந்ததாக கூறப்படுகிறது. இதில் ஒருவர் நிகழ்விடத்திலேயே உயிரிழந்தார்.

6 பேர் காயங்களுடன் மீட்கப்பட்டு மருத்துவமனையில் சேர்க்கப்பட்ட நிலையில், இருவர் சிகிச்சை பலனின்றி உயிரிழந்தனர். மற்ற 4 பேருக்கும் தீவிர சிகிச்சை அளிக்கப்பட்டு வருகிறது.