பாதுகாப்பு கருதி இருசக்கர வாகன பயணத்தை தவிர்க்க வேண்டும் - தவெக தொண்டர்களுக்கு விஜய் அறிவுறுத்தல்!

பாதுகாப்பு கருதி இருசக்கர வாகன பயணத்தை தவிர்க்க வேண்டும் என தவெக தலைவர் விஜய், தொண்டர்களுக்கு கோரிக்கை விடுத்துள்ளார்.

விழுப்புரம் மாவட்டம் விக்ரவாண்டி அருகே உள்ள வி.சாலையில் தவெக முதல் மாநில மாநாடு நாளை நடைபெற உள்ளது. இந்த மாநாட்டில் ஏராளமான தொண்டர்கள் பங்கேற்பார்கள் என எதிர்பார்க்கப்படுகிறது.

இந்நிலையில், நடிகரும், தவெக தலைவருமான விஜய், எக்ஸ் பக்கத்தில் தொண்டர்களுக்கு வேண்டுகோள் விடுத்துள்ளார். அதில், அனைத்து வகையிலும் தனக்கு தொண்டர்களின் பாதுகாப்பே முக்கியம் என தெரிவித்துள்ளார்.

வரும் வழியில் போக்குவரத்திற்கோ அல்லது பொதுமக்களுக்கோ யாரும் இடையூறு செய்யக்கூடாது என அறிவுறுத்தி உள்ளார்.
மாநாட்டில், தன்னார்வலர்கள், தனியார் பாதுகாப்பு  படையினர் மற்றும் போலீசாருக்கு தொண்டர்கள் போதிய ஒத்துழைப்பு வழங்க வேண்டும் எனவும் கேட்டுக் கொண்டுள்ளார்.