பிரபல எழுத்தாளர் இந்திரா சௌந்தராஜன் காலமானார்!

பிரபல எழுத்தாளரும் ஆன்மீக சொற்பொழிவாளருமான இந்திரா சௌந்தராஜன் மதுரையில் காலமானார்.

Advertisement

மதுரை டிவிஎஸ் நகரில்வசித்து வந்த இந்திரா சௌந்தராஜன், கடந்த சில மாதங்களாக உடல் நலக்குறைவால் சிகிச்சை பெற்று வந்துள்ளார். இந்நிலையில், வீட்டின் குளியலறையில் வழுக்கி விழுந்து உயிரிழந்தார். அவரது இல்லத்தில் பொதுமக்களின் அஞ்சலிக்காக உடல் வைக்கப்பட்டுள்ளது.

இந்திரா சௌந்தராஜன், சிறுகதைகள், நாவல்கள் மட்டுமின்றி புராணங்கள், இதிகாசங்களை மையமாக கொண்டு புனைவுகள் எழுதுவதில் வல்லவராக திகழ்ந்தார். இதுவரை 700 சிறுகதைகள், 340 நாவல்கள் மற்றும் 105 தொடர்களை எழுதியுள்ளார். சிருங்காரம், ஆனந்தபுரத்து வீடு, இருட்டு ஆகிய திரைப்படங்களிலும் அவர் பணியாற்றியுள்ளார்.