பிரபல நடிகர் டெல்லி கணேஷ் காலமானார் - திரைத்துறையினர் அஞ்சலி!

பிரபல நடிகர் டெல்லி கணேஷ் உடல்நலக்குறைவால் காலமானார்.

தூத்துக்குடியில் பிறந்த டெல்லி கணேஷ், ரஜினி, கமல், விஜய் உள்ளிட்ட பல்வேறு திரை நட்சத்திரங்களுடன் 400க்கும் மேற்பட்ட திரைப்படங்களில் நடித்துள்ளார். சிறந்த டப்பிங் கலைஞராகவும் திரைத்துறைக்கு ஏராளமான பங்களிப்பை டெல்லி கணேஷ் வழங்யுள்ளார்.

80 வயதான அவர், கடந்த சில தினங்களாக உடல்நலக்குறைவால் அவதிப்பட்டு வந்ததாக கூறப்பட்டது. இந்நிலையில், தனது வீட்டில் உறங்கிக்கொண்டிருந்தபோதே டெல்லி கணேஷின் உயிர்பிரிந்தது.

அவரது உடல்  ராமாபுரத்தில் உள்ள  இல்லத்தில் உடல் வைக்கப்பட்டுள்ளது.  திரைத்துறையினர் உள்ளிட்ட ஏராளமானோர் அஞ்சலி செலுத்தி வருகின்றனர். மேலும், நெசப்பாக்கத்தில் உள்ள மின் மயானத்தில் நாளை காலை 10 மணியளவில் டெல்லி கஷேஷ் உடல் தகனம் செய்யப்படும் எனவும்  தெரிவிக்கப்பட்டுள்ளது.