புதுச்சேரி கேளிக்கை விடுதியில் மதுபோதையில் குத்தாட்டம் போட்ட இளைஞர்கள் - வெளியேற்றிய போலீசார்!

புதுச்சேரி ஒயிட் டவுன் பகுதியில் அனுமதிக்கப்பட்ட நேரத்தை தாண்டி இயங்கிய கேளிக்கை விடுதியில் இருந்து பெண்கள் மற்றும் இளைஞர்களை போலீசார் வெளியேற்றினர்.

புதுச்சேரியில் உள்ள பார் மற்றும் கேளிக்கை விடுதிகள் நள்ளிரவு 12 மணி வரை மட்டுமே இயங்க அனுமதி வழங்கப்பட்டுள்ளது. ஆனால், ஒயிட் டவுன் பகுதியில் உள்ள கேளிக்கை விடுதிகள் விடிய விடிய இயங்குவதாகவும், விடுதியில் போதைப்பொருள் வழங்கப்படுவதாகவும் குற்றச்சாட்டு எழுந்தது.

இதனால் ஆத்திரமடைந்த அக்கம் பக்கத்தினர் சாலையில் அமர்ந்து போராட்டத்தில் ஈடுபட்டனர். பின்னர் அங்கு விரைந்த போலீசார் கேளிக்கை விடுதிக்குள் நுழைந்து மதுபோதையில் குத்தாட்டம் போட்டுக் கொண்டிருந்த பெண்கள் மற்றும் இளைஞர்களை வெளியேற்றினர்.