பைனான்சியரை அரிவாளால் வெட்டிக் கொன்ற மர்ம நபர்கள்!

சிவகங்கை மாவட்டம், வானியங்குடியில் மர்ம நபர்கள் அரிவாளால் வெட்டியதில் பைனான்சியர் ஒருவர் உயிரிழந்தார்.

வானியங்குடியைச் சேர்ந்த மணிகண்டன் என்பவர், தனது நண்பர்கள் இருவருடன் கண்மாய்க்கரையில் அமர்ந்து பேசிக் கொண்டிருந்துள்ளார்.

அப்போது அங்கு இருசக்கர வாகனத்தில் வந்த மர்ம நபர்கள் அரிவாளால் வெட்டியதில், மணிகண்டன் சம்பவ இடத்திலேயே உயிரிழந்தார்.

இதில் படுகாயமடைந்த அருண்குமார், ஆதிராஜன் ஆகிய இருவரும் சிவகங்கை அரசு மருத்துவக்கல்லூரி மருத்துவமனையில் சிகிச்சைக்காக அனுமதிக்கப்பட்டனர்.