போரூர் ராமச்சந்திரா பல்கலைக்கழகத்தில் பொங்கல் விழா கோலாகலம்!

சென்னை போரூரில் உள்ள ராமச்சந்திரா பல்கலைக் கழக வளாகத்தில் பொங்கல் விழா வெகு சிறப்பாக நடைபெற்றது.

ராமச்சந்திரா பல்கலைக் கழக வளாகத்தில் பல்வேறு கலை நிகழ்ச்சிகளுடன் பொங்கல் விழா களைகட்டியது. பாரம்பரிய உடையணிந்து கொண்டு மாணவ - மாணவிகள் பாடல்களுக்கு நடனமாடியது காண்போரின் கண்களை கவர்ந்தது.

அதனைத்தொடர்ந்து புதுப்பானையில் மாணவர்கள் பொங்கல் வைத்து சூரிய பகவானுக்கு படையலிட்டனர். இதையடுத்து கோலப்போட்டி, நடன போட்டி, உறியடி போன்றவை நடத்தப்பட்டு பரிசுகள் வழங்கப்பட்டன.