மணிப்பூரில் சிஆர்பிஎஃப் தாக்குதலில் 11 பயங்கரவாதிகள் பலி!

மணிப்பூரில் சிஆர்பிஎஃப் வீரர்கள் நடத்திய என்கவுன்ட்டரில் 11 பயங்கரவாதிகள் உயிரிழந்தனர்.

Advertisement

மணிப்பூர் மாநிலம் ஜிரிபாம் பகுதியில் சிஆர்பிஎஃப் வீரர்கள் வழக்கமான ரோந்து பணியில் ஈடுபட்ட போது அங்கு மறைந்திருந்த பயங்கரவாதிகள் திடீரென தாக்குதல் நடத்தினர். சுதாரித்துக் கொண்ட சிஆர்பிஎஃப் வீரர்கள், உடனடியாக பயங்கரவாதிகளை நோக்கி துப்பாக்கியால் சுட்டனர். இந்த என்கவுன்ட்டரில் 11 பயங்கரவாதிகள் சுட்டுக் கொல்லப்பட்டதாக தகவல் வெளியானது.

அதேசமயம், பயங்கரவாதிகளின் தாக்குதலில் இரண்டு சிஆர்பிஎஃப் வீரர்கள் காயமடைந்தனர். அதில் ஒருவரது நிலைமை கவலைக்கிடமாக இருப்பதாக கூறப்படுகிறது. இதுதவிர அப்பகுதியைச் சேர்ந்த 5 பேர் மாயமானதாக தகவல் வெளியானது. அவர்களை பயங்கரவாதிகள் பணயக் கைதிகளாக பிடித்துச் சென்றிருக்கலாம் என சிஆர்பிஎஃப் வீரர்கள் சந்தேகிக்கின்றனர்.