மத்திய அமைச்சர் ஜெய்சங்கரின் பேட்டியை ஒளிபரப்பிய ஊடகத்துக்கு தடை - கனடாவுக்கு இந்தியா கண்டனம்!

மத்திய அமைச்சர் ஜெய்சங்கரின் பேட்டியை ஒளிபரப்பிய ஊடகத்துக்கு தடை விதித்த கனடா அரசுக்கு இந்தியா கண்டனம் தெரிவித்துள்ளது.

Advertisement

ஆஸ்திரேலியாவுக்கு சுற்றுப்பயணம் மேற்கொண்ட மத்திய வெளியுறவுத்துறை அமைச்சர் ஜெய்சங்கர், அந்நாட்டு அமைச்சர் பென்னி வோங்- உடன் இணைந்து செய்தியாளர்களை சந்தித்தார். அப்போது, கனடாவில் இந்துக்கள் தாக்கப்பட்டிருப்பது முக்கிய பிரச்னையாக மாறியுள்ளதாக தெரிவித்தார்.

இந்த பேட்டியை ஒளிபரப்பிய ஆஸ்திரேலிய ஊடகத்துக்கு கனடா அரசு தடை விதித்தது. இதுதொடர்பாக கருத்து தெரிவித்துள்ள மத்திய வெளியுறவுத்துறை அமைச்சகத்தின் செய்தித் தொடர்பாளரான ரன்தீர் ஜெய்ஸ்வால், கனடா அரசின் செயல் விசித்திரமாக உள்ளதாகவும், பேச்சு சுதந்திரம் மறுக்கப்படுவதாகவும் தெரிவித்தார்.